Түөрт улуус оттук сезонугар бэлэмин туһунан пааспары ыла илик

Бөлөххө киир:

Быйыл Саха сиригэр кыстык сезона кэмигэр саҕаламмыта уонна билигин этэҥҥэ бара турар.  Бүгүн СӨ Бырабыыластыбатын Бэрэссэдээтэлин  1-кы солбуйааччы Дмитрий Садовников суруналыыстар ыйытыыларыгар эпиэттээтэ. Тэрээһини СӨ Ил Дарханын уонна бырабыыталыстыбатын дьаһалтатын Информационнай бэлиитикэҕэ уонна маассабай коммуникацияҕа департаменын салайааччыта Семен Трофимов үүннээн-тэһииннээн  ыытта.

Урут түһэн санатар буоллахха, ааспыт сайын  1165 хочуолунайы,  3 954,3  км уһуннаах ититэр, 1 430,5 км уһуннаах уу, 762,5 км уһуннаах  канализация, 1430,5 км  уһуннаах уот ситимнэрин уонна 144  дизельнэй электроыстаансыйаны оттук сезонугар бэлэмнээн өрөмүөннээбиттэр.  Быйыл былаан быһыытынан тустаах улуустарга холбоон барыта 504 тыһыынча туонна  оттук тиэрдиллибит.

Төһө даҕаны оттук сезона этэҥҥэ саҕаламмытын иһин  билиҥҥи туругунан Таатта, Горнай, Өлөөн уонна Анаабыр улуустара  тустаах тэрээһиҥҥэ  бэлэмнээхтэрин туоһулуур пааспары ыла иликтэр эбит.
«Оттук сезонугар бэлэмнэнии боппуруоһа, үлэтэ  өрөспүүбүлүкэтээҕи суһал ыстаап уонна  кэтиир уорганнар хонтуруолларыгар сылдьаллар. Ааспыт сылга улуустар бары 100 %  тустаах пааспары ылбыт буоллахтарына, хомойуох иһин, түөрт улуус баччааҥҥа диэри өссө даҕаны ыла илик. Санатар буоллахха,  борокуратуура буруйдаахтары эппиэккэ тардыахха диир, оннук да буолара буолуо», —  диэн Дмитрий Дмитриевич  быһааран биэрдэ.  Улуустар  оттукка бэлэмнэрин туоһулуур пааспардар оннуларыгар акт диэни ылаллар. Тустаах докумуоннар ахсынньы 10 күнүгэр диэри бэриллиэхтээхтэр.

+1
0
+1
0
+1
0
+1
0
+1
0
+1
0
+1
0