Горнай, Чурапчы, Таатта, Уус Маайа, Ньурба, Томпо улуустарын сиригэр-уотугар 13 ойуур баһаара баарыттан, үс ойуур баһаара бохсуллубут. Бу туһунан РФ ЫБММ Саха сиринээҕи салаатын пресс-сулууспата иһитиннэрэр.
Ойуур баһаарын умулларыыга 180 киһи, 8 тиэхиньикэ үлэлээбит. Суукка устатыгар 68 киһилээх 12 ботурууллуур-хонтуруоллуур бөлөх үлэлээбит. Административнай кэһиигэ уон боротокуол толоруллубут, 98 киһини кытта ойуур баһаарыттан сэрэхтээх буолуу миэрэлэрин туһунан кэпсэтии ыытыллыбыт.
«Суукка устатыгар 1 448 гектар иэннээх сиргэ түөрт ойуур баһаара умуруорулунна. Ньурба, Чурапчы, Горнай уонна Таатта оройуоннарын нэһилиэнньэлээх пууннарыттан 10 км сиргэ ойуур баһаардара бэлиэтэнэллэр», — диэн РФ ЫБММ Саха сиринээҕи салаатын начаалынньыга Павел Гарин иһитиннэрдэ.
+1
+1
+1
+1
+1
+1
+1