Бүгүн, кулун тутар 9 күнүгэр, күнүс 13.00 чаас саҕана, Бүлүүлүүр суол 143-с километрыгар суол быһылаана таҕыста.
edersaas.ru
РФ Силиэстийэлиир кэмитиэтин Саха сиринээҕи управлениета иһитиннэрбитинэн, «Toyota-Hiace» массыына 1993 сыллаах төрүөх суоппара суол хаарын ыраастыыр»КамАЗ» массыынаны кытта харсыспыт.
Ол түмүгэр, иномаркаҕа айаннаан испит 14 киһиттэн үһэ тута миэстэтигэр, төрдүс киһи балыыһаҕа өлбүттэр.
9 киһи араас эчэйиини ылан, Горнай улууһун киин балыыһатыгар киллэриллибиттэр, кинилэртэн биирдэрэ ыарахан туруктаах.
Эмсэҕэлээбит дьон ортотугар 7 саастаах оҕо баар, кини этэҥҥэ.
Иномарка суоппара улаханнык эчэйбэтэх, билигин суол быһылаана буолбут сиригэр баар.
Быһылаан сиригэр суһал-силиэстийэлиир бөлөх үлэлиир.
Силиэстийэ уорганнара бу чахчынан процессуальнай бэрэбиэркэ ыыталлар, ол түмүгүнэн быһаарыы тахсыаҕа.
Биһиги корр., «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1