2022 сылга диэри Арктика улуустарыгар 4 тыһыынчаттан тахса килэмиэтир волоконнай-оптическай сибээс магистральнай лиинийэлэрэ тардыллаллара былааннанар.
ВОЛС лиинийэлэрэ Муома, Үөһээ Халыма, Орто Халыма, Аллараа Халыма улуустарыгар тардыллыахтара. 2023 сылга диэри “Импульс” ХЭТ өссө сэттэ улууска сибээс лиинийэтин тардар былааннаах.
2013 сылтан ыла Саха сиригэр 10 тыһыынчаттан тахса килэмиэтир волоконнай-оптическай сибээс лиинийэтэ тардыллыбыт. ВОЛС лиинийэтин тутуу 2019 сыллаахха Айсен Николаев көҕүлээбит “СӨ Инновационнай уонна цифровой сайдыыта” судаарыстыбаннай бырагырааматын чэрчитинэн ыытыллар.
2014 сылы кытары тэҥнээтэххэ, Саха сиригэр түргэн интэриниэт уонна трафик кээмэйэ хас да төгүл улааппыт. Сорох нэһилиэнньэлээх пууннарга трафик 400 төгүл улааппыта бэлиэтэнэр.
Ангелина Васильева, “Саха сирэ” хаһыат, edersaas.ru
Хаартыска: sakha.gov.ru