Бүгүн, Кириһиэнньэ күнүгэр, Өймөкөөн улууһун Төрүт нэһилиэгин олохтоохторо сибэтиэй уунан эмтэнэр уонна ыраастанар кыахтаннылар. Бэҕэһээ, ахсынньы 18 күнүгэр, олохтоох дьаһалта үлэһиттэрэ Индигиир өрүскэ тиийэн, ойбон алларбыттара.
— Сибитиэй ууну ыларга анаан Матааркын хомотугар тиийэн уу баһар сирбитигэр ойбон аллардыбыт. Ким тиэхиньикэлээх онтон тиийэн уу баһан кэллилэр. Оттон бэйэлэрэ уу баһан ылар кыахтара суох дьоҥҥо ОДьКХ үлэһитэ Александр Винокуров сайаапканан дьиэлэригэр уу баһа сылдьар. Бу билиҥҥи сыстыганнаах дьаҥ кэмигэр сибэтиэй уунан эмтэнэргэ, ыраастанарга анаан дьоммутугар-сэргэбитигэр сөптөөх усулуобуйаны тэрийдибит, — диэн кэпсиир Төрүт нэһилиэгин баһылыга Владимир Алексеев.
Кырдьык, ыарыы-дьаҥ кэмигэр сибэтиэй ууну хаһаанан эмтэнии, ыраастаныы хаһааҥҥытааҕар да күүһүрбүт уонна наада кэмигэр ыраах Тымныы полюһун кыра нэһилиэгэр Төрүккэ олохтоох дьаһалта көмөтүнэн, өйөбүлүнэн дьон сибэтиэй уунан хото хаһаанна.
Елена ПОТОЦКАЯ, «Саха сирэ» хаһыат, edersaas.ru
