Быйыл дойду үрдүнэн улахан историчэскэй суолталаах түгэҥҥэ – Конституцияҕа уларытыылары киллэрэр куоластааһыҥҥа кыттыыны ылыахпыт. РФ норуот үөрэҕириитин уонна наукатын үлэһиттэрин профсойууһун Намнааҕы салаатын бэрэссэдээтэлэ Александр Гаврильевич Шарапов сүрүн сокуоҥҥа уларытыылар туһунан санаатын эттэ.
– Сүрүн сокуоммутугар эбии уларытыылары киллэрии барыбытын долгутар. Барыбытыгар, ол иһигэр Саха сирин олохтоохторугар, күүскэ дьайыа дии саныыбын. Бастакытынан, уларыйыылар үөһээҥҥи бэрэстэбиитэллээх уорганнарынан бигэргэниини аастылар.
Билигин норуот санаатын биллэриэхтээх. Коронавирус дьаҥа өрө туран тохтоон турар. Төһө өр барара биллибэт. Бу кэмҥэ кэпсиир, иһитиннэрэр тэрилтэлэр сүрүн сокуоммут уларыйыыларын туһунан чуолкайдык быһааран биэриэхтэрин наада. Ханнык баҕарар сокуон комментарийдаах буолааччы. Ол комментарийдар чуолкай буолалларын наадатыгар, юристар, депутаттар быһааран, уларыйбатын курдук сиидэлээн ыраас лиискэ ууран биэриэхтээхтэр. Соппутуойун кытары учуоттаан. Норуот оччоҕуна итэҕэйиэ. Иккиһинэн, уларыйыыларга норуот бэрэстэбиитэлинэн чуолкайдык профсойуустар буолалларын бигэргэтиэххэ наада. Билигин ханнык баҕарар боппуруос сүбэлэһии быһыытынан барарынан Сөбүлэһиилэр оруоллара күүһүрүөхтээх. «Суруллубут суоруллубат» диэн сокуонунан олоххо киириитэ эрэллээх. Үсүһүнэн, быыбарга бары сүүс бырыһыан кыттыахтаахпыт! Хас биирдии гражданин бэйэтин санаатын биллэриэхтээх.
Туяра Корякина, ulusmedia саайтан