Бу күннэргэ Өймөкөөн улууһа төрүттэммитэ 101 сылынан сибээстээн, улуус дьаһалтата, култуура управлениета уонна кииннэммит бибилэтиэкэ салалталара «Бастыҥ тупсаҕай оҥоһуулаах тэрилтэ» куонкурус тэрийэн ыытта.
Онно Социалистическай Үлэ Дьоруойа Г.А. Кривошапкин аатынан орто оскуола кэлэктиибэ кыайыылааҕынан тахсан, 30 000 солк харчынан наҕараадаланна.
Оскуола спортивнай былаһаакката өрүү оҕонон толору.
Оскуола бэйэтэ тэпилииссэлээх, оҕуруоттаах.
Быйыл оскуола салалтата (дириэктэр Г.А. Павлуцкай) «Тыыннаах муннугу» тэрийэн, Дьокуускайтан хаас аҕалтаран, олохтоохтортон куруолук атыылаһан ииттилэр.
Онон улуус оскуолаларыгар холобур көрдөрөн, дьүүллүүр сүбэ болҕомтотун тартылар.
Бастакы саҕалааһын улахан ситиһиинии аҕалла.
Елена ПОТОЦКАЯ, «Саха сирэ» хаһыат, edersaas. ru