Төрөппүт оҕото ыраахтан олорон үөрэнэригэр хайдах көмөлөһүөн сөбүй?

Ааптар: 
Бөлөххө киир:

Эһиги болҕомтоҕутугар СӨ Үөрэҕин уонна наукатын министиэристибэтин психолого-медико-социальнай арыаллааһыҥҥа өрөспүүбүлүкэтээҕи киинин психологтарын сүбэтин таһаарабыт:

  1. Бастатан туран, күннээҕи эрэсиими (турар бириэмэлэрин, уруоктарын саҕаланыытын, уруок уһунун, о.д.а.) тутуһар ирдэнэр.
  2. Төрөппүттэр уонна дьиэ кэргэн дьоно холкутуйан, буола турар быһыыга сөптөөхтүк сыһыаннаһаллара ирдэнэр. Оҕо эмоциональнай туруга улахан дьон туругуттан тутулуктаах. Пандемия туһунан ымпыгар-чымпыгар тиийэ уонна уһуннук ырытартан харыстыыр ордук.
  3. Оҕо ыраахтан (дистанционно) олорон үөрэнэригэр хоһун, миэстэтин бэлэмниэххэ наада. Тэлэбиисэр иннигэр, куукуна остуолугар, ороҥҥо уо.д.а. табыгаһа суох миэстэҕэ тэриллиэ суохтаах. Үлэлииргэ сөп түбэһэр миэстэни ананыллыахтаах.
  4. Уруок саҕаланыан иннинэ хоһу аһан салгылатыҥ. Тыастаах-уустаах, дьарыктанарга мэһэйдиир тэлэбиисэри, атын даҕаны бытовой тиэхиньикэни араарыҥ.
  5. Кыаллар боллаҕына оҕону хоско бэйэтин соҕотохтуу хаалларыҥ. Кыаллыбат түгэнигэр, оҕо болҕомтолоохтук олорон үлэлиирин туһугар дьиэ үлэтин хааллара түһүҥ.
  6. Өскөтүн оҕо барбыт тиэмэтин ыарырҕатар уонна ыраахтан олорон үөрэниини (дистанционно) уустуктук ылынар түгэнигэр төрөппүт көмөтө эрэйиллэр. Холобур, тэҥҥэ ырытар, барбыт тиэмэлэрин быһааран биэрэр, интэриэстээхтик сыһыаннаһар наада.
  7. Тохтобул кэмигэр оҕо кыратык аһыы түһэрин курдук чэй, чэпчэки аһылыгы бэлэмниэххэ сөп.
  8. Тохтобул кэмигэр оҕону кытта сэрээккэ оҥоруохха, оонньуохха, муусука холбуохха сөп.

Санатан эттэххэ, Саха сиригэр үөрэх бүгүҥҥүттэн – муус устар 6 күнүттэн саҕаланар.

СӨ Үөрэҕин уонна наукатын пресс-сулууспата.

+1
0
+1
0
+1
0
+1
0
+1
0
+1
0
+1
0