Өймөкөөн улууһун Төрүт нэһилиэгэр сааскы тот салгын түһэн, дьон үксэ Индигир өрүскэ тиийэн хаалыктаах хаамар буолла.
Олохтоох балыыһа сиэстэрэтэ Анфиса Кривошапкина бэлиэтииринэн, төрүттэр доруобуйаларын бөҕөргөтүнэн, бүгүн уонча киһилээх бөлөх өрүскэ киирэн дуоһуйа хаамта. Ыраас халлааннаах чаҕылхай күннээх Доруобуйа национальнай күнүн Тымныы полюһун олохтоохторо сааскы салгыны дуоһуйа тыынан бэлиэтээтилэр.
Олунньу ый саҥатыгар Төрүккэ сыстыганнаах дьаҥ эмискэ өрө туран, ыал ыалынан ыалдьыбыта. Улуус саамай «ыраас» нэһилиэгинэн аатыран, дьаҥ өр кэмҥэ «буулаабакка» турбута. Бастакы ыарыһах сэтинньи ыйга эрэ бигэргэммитэ. Билигин дьон хамсыктан үтүөрэн, өрүстэригэр тиийэн салгын сиэн, хааман кэлэллэр.
Елена ПОТОЦКАЯ, «Саха сирэ» хаһыат, edersaas.ru
Хаартыска: Анфиса Кривошапкина түһэриитэ.