Төрөөбүт тылы харыстыыр пуорум ыытыллыаҕа

Бөлөххө киир:

Төрөөбүт тылы харыстыыр II геопуорум Дьокуускайга ыытыллыаҕа.

Бэс ыйын 11 күнүгэр «Цифровизация языкового разнообразия и культурного наследия народов России: взаимодействие университетов и институтов РАН» диэн экспиэртнэй кэпсэтии чэрчитинэн ХИФУ-га «Университеты и развитие геостратегических территорий” диэн II пуорум ыытыллыаҕа.
Биһиги ХИФУ-ну кытта ыкса “ЛингвоДок” платформа чэрчитинэн үлэлэһэбит. Билигин манна университеттар, научнай институттар уонна  Саха сирэ, Башкортостан, Удмуртия, Мордовия, Коми, Калмыкия, Марий-Эл, Карелия, Татарстан учуонайдара үлэлэһэллэр. Тылы харыстааһыҥҥа Саха сирин учуонайдара киллэрбит кылааттарын суолтата улахан. «ЛингвоДок” платформаҕа үлэлииргэ ХИФУ  уон учуонайа анал кууруһу ааста. Саха тылыгар үөрэтэр анал платформа үлэлииригэр лингвистическэй матырыйаал бэлэмнэннэ. Бу матырыйаал оскуолаларга, үрдүк үөрэх кыһаларыгар туһаныллыан сөп, — диэн биир ситимнээх бырагырааманы оҥорор Арассыыйа наукатын академиятын институтун дириэктэрэ Арутюн Аветисян бэлиэтээтэ.
Экспиэртиир дискуссия модератора, «Лингвистические платформы” лаборатория сэбиэдиссэйэ Юлия Норманская бэлиэтииринэн, ХИФУ үлэһиттэрин научнай үлэлэрэ үрдүк таһымнаах.  «ЛингвоДок” платформа чэрчитинэн ыытыллыбыт кууруска уопсайа Арассыыйа уон куоратын учуонайдара кыттыыны ылбыттар. Онуоха Саха сирин учуонайдарын дакылааттара бастакы миэстэҕэ тиксибитин иһитиннэрдэ.
Бэлиэтээн эттэххэ, пуорум бэс ыйын 10-12 күннэригэр ХИФУ көҕүлээһининэн Дьокуускайга ыытыллыаҕа.

Ульяна ЗАХАРОВА.

+1
0
+1
0
+1
0
+1
0
+1
0
+1
0
+1
0