Научнай бибилэтиэкэ ааҕар саалатыгар «Төрөөбүт тыл уонна сурук-бичик күнүгэр» аналлаах тэрээһин үс түһүмэҕинэн ыытыллыбыт тэрээһинигэр АГАТУ устудьуоннара көхтөөх кыттыыны ыллылар.
Бастакы түһүмэххэ устудьуоннар төрөөбүт сахатын тылын сайыннарыыга, чинчийиигэ олоҕун анаабыт, саха алпаабытын төрүттээбит лингвист-учуонай Семен Новгородов олоҕун уонна айар үлэтин билистилэр.
Научнай бибилэтиэкэ салайааччыта Валерия Ефимова пуондаттан тылдьыттары, ол иһигэр саха норуотугар сүдү суолталаах үлэ, 15 туомунан тахсыбыт Саха тылын быһаарыылаах улахан тылдьытын көрдөрдө, билиһиннэрдэ.
Диктант суруйуутугар кыайыылааҕынан Технология уонна салайыы кэллиэһин ПСО 9-19-2 кууруһун устудьуона Мария Саввина буолла.
Елена ПОТОЦКАЯ, “Саха сирэ” хаһыат, edersaas.ru