“Төрөөбүт дойдум туһунан ыллыыбын” күрэс кыайыылааҕа билиннэ

Өрөспүүбүлүкэ идэлээх холбоһуктарын федерацията “Төрөөбүт дойдум туһунан ыллыыбын” диэн ааттаах социальнай ситим нөҥүө тэрийэн ыыппыт дистанционнай ырыа күрэҕэр  Нерюнгритааҕы  искусство оскуолатын кэлэктиибэ кыайда.

edersaas.ru

Бу туһунан СӨ   Култуураҕа уонна духовнай сайдыыга министиэристибэтин пресс-киинэ иһитиннэрэр.

Аан дойду үлэлээн иитиллээччилэрин сомоҕолоһууларын күнүгэр анаммыт күрэс түмүгүн СӨ Идэлээх сойуустарын федерациятын бэрэссэдээтэлэ Николай Дегтярев ыам ыйын 1 күнүгэр биллэрдэ.

Нерюнгритааҕы  оҕо искусствотын оскуолатын кэлэктиибин  бастакы сүһүөх идэлээх холбоһуга “Легко на сердце от песни веселой” диэн ырыанан  кыайыылаах таҕыста.

Кыайыылаах кэлэктиип ырыатын манна киирэн истиэххэ сөп:

https://www.youtube.com/watch?v=-ITu2RC7pP

Ньургуйаана Иванова, «Саха сирэ» хаһыат, edersaas.ru

Хаартыска СӨ Култуураҕа  уонна духовнай сайдыыга  министиэристибэтин пресс-кииниттэн