Емельян Ярославскай аатынан түмэл эбии экспонаттанна. Норуот дьокутаата, «Якутцемент» собуот дириэктэрэ бүгүн ураты ньыманан оҥоһуллубут СӨ бастакы бэрэсидьиэнин мэтириэтин бэлэх ууммут.
Бу туһунан СИА суруйдулар. Маннык ураты хартыынаны бочуоттаах сынньалаҥҥа олорор Варвара Кирсанова оҕуруонан оҥорбут. Бу үлэни 300 тыһ.солк. «Якутцемент» собуот дириэктэрэ, Ил Түмэн дьокутаата Алиш Мамедов атыыласпыт.
—Хартыына сыанатын ааптар бэйэтэ быспыта. Биһиги тута ылбыппыт. Манна бэлэхтиир туһунан биһиги Хаҥалас улууһун олохтоохторун, СӨ бастакы бэрэсидьиэнин биир дойдулаахтарын кытары сүбэлэһэн баран быһаардыбыт. Бу хартыына үйэттэн үйэҕэ хаалыаҕа диэн эрэллээхпит, — диэн СИА Алиш Мамедов санаатын үллэстибит.
Дьоһун үлэ түмэлгэ экспонат быһыытынан туруоҕа, онтон сотору, арааһа, Михаил Николаевка анаммыт бибилэтиэкэ-архыыпка бэриллэрэ буолуо диэн суруллар.
—Бу хартыына норуот СӨ бастакы бэрэсидьиэнигэр тапталын уонна ытыктабылын бэлиэтэ, — диэн түмэл дириэктэрэ Егор Шишигин бэлиэтээн эппит.