Билигин “өйдөөх” сервистэр баар буоланнар, оҕолорбут ханна сылдьалларын төлөпүөнүнэн билэ-көрө олорорбутун таһынан, интэриниэккэ баар бөрүкүтэ суох сыһыарыылартан, саайтартан көмүскүүр кыахтанныбыт. Ол курдук, МегаФон суотабай сибээс оператора төрөппүттэргэ анаан анал сервистэри үлэлэтэр.
edersaas.ru
Төрөппүт хонтуруола
«Родительский контроль» сервиһинэн туһанан, оҕо ханна сылдьарын бэрэбиэркэлиэххэ сөп. Бу өҥөнү rk.megafon.ru саайтка, биитэр мобильнай сыһыарыыга киирэн холботторуллар. Оҕону ханна сылдьарын хонтуруоллууру таһынан, өссө тас дойдуттан, өрөспүүбүлүкэ таһыттан эрийэр нүөмэрдэр, араас СМС-иһитиннэриилэр, төлөбүрдээх подпискалар блокировкаланаллар.
Бу өҥөнү интэриэһиргээбиттэр сэттэ күн устата буор-босхо боруобалааһын быһыытынан туһаныаххытын сөп. Салгыы холботторор буоллаххытына, ахсыс күнтэн күн ахсын 5 солкуобай төлөбүр ааҕыллар. Онон МегаФон абоненнара *461*4# эрийэн боруобалаан көрүҥ.
Радар
Ааспыкка биир дьүөгэм, оскуолаҕа төрөппүттэр «Радар» диэн өҥөнөн туһанан, оҕолоро ханна сылдьарын кэтии-маныы олороллорун туһунан кэпсээн соһуппута. Итинник өҥө баарын туһунан урут ханна эрэ истибиттээҕим. Онон, дьэ, тугун-ханныгын быһаарсаары, интэриниэккэ киирэн, «Радар» диэни көрдөөтүм. Онуоха МегаФон суотабай хампаанньа өҥөтө диэн таҕыста. «Радар» көмөтүнэн МегаФон абоненын эрэ буолбакка, Билайн, МТС, Йота килийиэннэрин «кэтиэххэ» сөп.
Бу өҥөнү сыһыарыы быһыытынан хачайдаан баран, «Я наблюдаю» диэн строкаҕа оҕоҥ нүөмэрин киллэрэҕин. «Список зон» строкаҕа, холобур, «Школа» уонна «Дом» суруйуохха сөп. Оҕо бу ыйыллыбыт зонаттан таҕыстаҕына, “Радар” тута биллэрэр. Бу өҥө төлөбүрдээх. Сууккаҕа — 7 солкуобай.
Оҕо интэриниэтэ
Оттон «Детский интернет» олус туһалаах өҥөнү МегаФон саайтыгар, биитэр *580*1# нүөмэргэ эрийэн холботторуллар. Оччотугар улахан дьоҥҥо аналлаах саайтары оҕо көрбөт. Сүүйүүлээх оонньуулар, араас табаары атыылыыр саайтарга сатаан киирбэт буолар. Өҥө төлөбүрэ сууккаҕа – 2 солкуобай.
Бэлэмнээтэ Анивера АКИМОВА, edersaas.ru