Төлөпүөнүнэн кэпсэтээт 306 тыһыынча солкуобайын сүтэрбит

Бөлөххө киир:

Мобильнай түөкүннээһин кэлиҥҥи сылларга күүскэ сайынна. Бэйэбит да билбэппитинэн, интэриниэт, төлөпүөн нөҥүө түөкүттэргэ түбэһэн, сорох дьон харчыларын  уордараллар.

Соторутааҕыта Ис дьыала уорганнарыгар 39 саастаах куорат олохтооҕуттан түөкүннээһиҥҥэ сайабылыанньа киирбит. Ол курдук эмсэҕэлээччигэ баан үлэһитэбин диэн биир киһи эрийбит уонна «онлайн-баан» мобильнай сыһыарыытыгар баар төлөпүөнүн нүөмэрин ким эрэ  уларыта сатаабытын тохтоттубут диэн эппит. Ону ааһан өссө билигин силиэстийэлээһин бара турарын иһитиннэрбит.  Баан үлэһитэбин дэнээччи киһи  дьахтарга бу кэпсэтии туһунан кимиэхэ да кэпсиэ суохтааҕын туһунан этэн баран, анал «робокка» каартатын куодун этэригэр сүбэлээбит. СМС-иһитиннэрии кэлбитигэр дьахтар куодун суруйан ыыппыт. Дьэ ол кэннэ 50 000 солк., оттон  70 000  солк. устан ылбыттар. Бу кэнниттэн каартата блокировкаламмыт. Баан үлэһитэ дэнээччи салгыы дьахтарга бары счеттарыттан харчытын кинилэр эппит счеттарыгар ыытарыгар эппит.  Түмүгэр дьахтартан түөкүттэр  306 000  солк. уоран ылбыттар.

Ис дьыала уорганнара түөкүттэр угаайыларыгар киирэн биэрбэт туһугар, маннык эрийэн кэллэхтэринэ хаһан даҕаны бэйэҕит тускутунан дааннайдары этимэҥ диэн сүбэлииллэр. Билбэт счеккутугар харчыны хаһан да ыытымаҥ. Оттон баантан СМС-иһитиннэрии кэллэҕинэ бэйэлэрин официальнай нүөмэрдэригэр эрийэн чуолкайдааҥ.

edersaas.ru

+1
0
+1
0
+1
0
+1
0
+1
0
+1
0
+1
0