Бүгүн Чурапчы улууһун Төлөйүгэр «Аартык» норуот айымньытын дьиэтигэр модельнай бибилэтиэкэ аһылынна. Бу — улуус устуоруйатыгар бастакы модельнай дэниллэр бибилэтиэкэ буолар. Манна көмпүүтэрдэрдээх сааланы сэргэ, эти-хааны эрчийэргэ аналлаах фитнес-саала, оҕолорго интерактивнай остуоллар бааллар. Федеральнай үбүлээһин быһыытынан көрүллүбүт 231 тыһыынча солк. саҥа кинигэлэри атыыласпыттар.
«Култуура» национальнай бырайыак чэрчитинэн, олохтоох бибилэтиэкэ 5 мөлүйүөн солк. граны ылбыта. Чурапчы улууһунааҕы култуура управлениета, улуустааҕы бибилэтиэкэ, Төлөй дьаһалтата уонна «Аартык» норуот айымньытын дьиэтэ бииргэ үлэлээбиттэрин түмүгэр, 1 мөлүйүөн 200 тыһыынча солк. үлэ үмүрүтүллүбүт.
«Аартык» норуот айымньытын дьиэтин дириэктэрэ Максим Смирников иһитиннэрбитинэн, кинилэр 2016 сылтан нэһилиэнньэни көҕүлүүр бырайыактар граннарыгар ситиһиилээхтик кытталлар эбит. Модельнай саҥа бибилэтиэкэ мантан инньэ Төлөйгө иһитиннэрэр-култуурунай, үөрэтэр-иитэр үлэни көҕүлүттэн тутан тэрийиэ диэн олохтоохтор үөрэллэр.
edersaas.ru