Маны аах Уопсастыба

Төҥүлүгэ «Олимпионик» сыл бүтүүтэ үлэҕэ киириэҕэ

Бүгүн, сэтинньи 10 күнүгэр, СӨ Ил Дархана Айсен Николаев «Саха» ГТРК «Быһа кэпсэтии» биэриитигэр таҕыста, дьон ыйытыытыгар хоруйдаата.

Мэҥэ Хаҥалас улууһуттан Төҥүлү олохтооҕо «Олимпионик» уһуйаан хаһан аһыллан үлэлиирин ыйытта. 

Ил Дархан: — Кыра кыһалҕалар бааллара ол тутуу үлэтигэр буолбатах, докумуоҥҥа. Ол иһигэр гаас хочуолунай боппуруоһа эмиэ быһаарыллар. Докумуону ситэрии-хоторуу бириэмэни син ылар. Биһиги бу боппуруоһу хонтуруолга тутан олоробут. Сыл бүтүөр диэри барыта быһаарылларыгар, «Олимпионик» уһуйаан аһылларыгар сыал-сорук туруоруллубута, — диэтэ.

Санатан эттэххэ, уһуйааннары тутуу өрөспүүбүлүкэҕэ инники күөҥҥэ тутуллар. Кэнчээригэ туһуланар тутуу үлэтин коронавирус да, туох да харгыстаабат. Быйыл Саха сиригэр  уопсайа 1780 миэстэҕэ 15 оҕо саада үлэҕэ киириэ.

Хаартыска ru.depositphotos.ru ылылынна

0
0