Маны аах Уопсастыба

Түүҥҥү кулууптары бэрэбиэркэлээтилэр

Саҥа дьыллааҕы уһун өрөбүллэргэ Дьокуускайга сынньатар-аралдьытар уонна дьону аһатар тэрилтэлэр санитарнай ирдэбиллэри төһө тутуһалларын бэрэбиэркэлээтилэр диэн СИА иһитиннэрэр.

Ол курдук, тохсунньу 4 күнэ үүнэр түүнүгэр Дьокуускайдааҕы коронавируснай инфекция тарҕаныытын бохсор суһал ыстаап бөлөхтөрө 17 эбийиэги бэрэбиэркэлээтилэр. Ол онтон Qween караоке-бар дьону QR-кода суох киллэрэ турара биллэн, акт оҥоһуллубут. Үгүс эрэстэрээннэр, түүҥҥү кулууптар, бардар түүн үлэлээбэттэр, сабыллан тураллар. Сорохторго туох да кэһиини булбатылар.

Билиҥҥи туругунан, дьону аһатар тэрилтэлэргэ “куйаар-кода” суох киллэрэр уонна хааччахтыыр миэрэлэри тутуспат, түүн хойукка диэри үлэлиир буоллахтарына, РФ КоАП кодексын 20.6.1 ыстатыйатынан административнай эппиэтинэскэ тардыллаллар. Бу ыстатыйанан 30 тыһыынча солкуобайтан 300 тыһыынча солкуобайга диэри ыстарааптаныахха сөп. Иккистээн кэстэхтэринэ, ыстараап суумата 500 тыһыынча солкуобайтан 1 мөлүйүөҥҥэ диэр үрдүүр, эбэтэр, 90 күҥҥэ диэри үлэ тохтотуллар.

Ангелина Васильева, “Саха сирэ” хаһыат, edersaas.ru

Хаартыска: СИА.

0
0
Telegram @edersaas20