Аан дойдуну аймаабыт коронавирус сыстыганнаах ыарыы туруоҕуттан, дьон-сэргэ бары биир санаанан бу дьаҥы утары үлэҕэ туох-баар күүстэрин уураллар.
edersaas.ru
«Горнай түмсүү» общественнай тэрилтэтин көхтөөх өйөөччүтэ, ыытыллар үлэлэр, бырайыактар спонсордара, киэн туттар сиэрдээх киһибит Гаврил Гаврильевич Кононов уолуунаан Виталий Гаврильевич Кононовтыын Горнай улууһун киин балыыһатын медицинскай персоналыгар 23 харыстанар медицинскай көстүүмү уонна 10 респираторнай мааскалары көмө быһыытынан биэрдилэр.
Гаврил Кононов дьиэ-кэргэттэрэ киин балыыһа быраастара бу ыарахан ыарыыттан ыалдьыбыт дьону эмтииллэригэр харысхаллаах буоллуннар диэн санааттан салайтаран көмөнү оҥордулар.
«Горнай түмсүү» общественнай тэрилтэтэ Гаврил Гаврильевичка, Виталий Гаврильевичка бу амарах санааланыы быһыыларыгар МАХТАЛБЫТЫН тиэрдэбит.
Улуустааҕы Киин балыыһа коллектива (кыл.быраас солб.Андреева Ж.А.) улууска бу дьаҥ бэлиэтэммитигэр бэйэлэрин профессиональнай билиилэрин сөптөөхтүк туруоран ыарыы тэнийбэккэ, ыалдьыбыт дьон хантаактаспыт дьоннорун кэмигэр быһааран, самоизоляция режимын олохтоон, улууспут дьоно-сэргэтэ этэҥҥэ аһардылар. Маҥан халааттаах аанньалларбытыгар бар дьон барҕа махтала эһиэхэ ананнын.
«Горнай түмсүү» общественнай тэрилтэтин салайааччыта Надежда Федорова