Түөкүттэртэн сэрэниҥ!
Бэрээдэк - Олох-дьаһах

Түөкүттэртэн сэрэниҥ!

Саха сиригэр албыннааһын биир тэнийбит көрүҥүнэн “баантан эрийии” буолар. Куттал суох буолуутун үлэһитэбин дэнэр аферист киһи эрийэр киһитин хаартатыгар сыһыаннаах уорбаланар түгэҥҥэ түбэспиттэрин туһунан иһитиннэрэр.

edersaas.ru

Онтон бу киһи хаартатын туһунан толору чахчыны, хаарта кэтэх өттүнээҕи коду этэригэр көрдөһөр уонна үбү-харчыны көмүскүүр туһуттан СМС  кодун көрдүүр. Маны сэргэ бу түөкүн тустаах киһи харчытын “анал көмүскэллээх счекка” ыытарыгар этии киллэриэн сөп. Хомойуох иһин, үгүс дьон аферистар тугу этэллэрин барытын толороллор.
Ол курдук, аҕыйах хонуктааҕыта Дьокуускай куорат 50 саастаах олохтооҕо биһиэхэ кэллэ. Бу дьахтарга түүн эр киһи эрийэн, баан куттал суох буолуутун сулууспатын үлэһитэбин диэбит уонна дьахтар харчытын көҥүлэ суох ыытан эрэллэрин туһунан эппит. Бу эрийбит киһи уоруу тахсарын тохтотон, баанын счетун саппыттарын туһунан дьахтары уоскуппут. Оттон итини хаттаан үлэлэтэргэ кинилэр ыытар СМС иһитиннэриилэригэр билигин ыытар кодтарын этэригэр көрдөспүт. Ол кэмҥэ дьахтар доруобуйатын туруга бэрдэ суох буолан, СМС иһитиннэриигэ коду кимиэхэ да этимэ диэн суруллубутугар аахайбакка, албын исписэлиискэ ирдиир иһитиннэриитин этэн биэрбит. Түүн устата албын банкирдар хаста даҕаны уонна атын-атын нүөмэрдэртэн эрийбиттэр. Нөҥүө сарсыардатыгар кини бааҥҥа блокировкаламмыт счеттарын боппуруоһун быһаарса барбыт, онуоха кини түөкүттэри кытта кэпсэппитин туһунан эппиттэр. Бу дьахтартан уопсайа 54 3000 солкуобайы уоран устубуттар.
Ытыктабыллаах гражданнар, бааннар хаһан даҕаны төлөпүөнүнэн бааҥҥыт хаартатын нүөмэрин, үс сыыппаралааах коду, смс-иһитиннэриинэн кэлэр бигэргэтэр коду уонна атын даҕаны бу киһи туһунан чахчылары этэргитигэр көрдөспөттөр. Дьэ, манныгы масыанньыктар эрэ көрдүүллэр! Кимиэхэ даҕаны кистэлэҥ чахчыларгытын этимэҥ, робот тиһигэр эмиэ!

Саха Өрөспүүбүлүкэтин ИДьМ пресс-сулууспата
Бэлэмнээтэ Женни СТРЮКОВА, “Саха сирэ” хаһыат
Хаартыска: интэриниэттэн

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

1 × один =