Бэрээдэк Уопсастыба

Түөкүттэр угаайыларыгар киирэн биэримэҥ!

Ааспыт нэдиэлэҕэ өрөспүүбүлүкэ олохтоохторо түөкүттэр угаайыларыгар киирэн, үс мөлүйүөн кэриҥэ харчыларыттан мэлийбиттэр.

ИДьМ холуобунай дьыалаҕа Саха сиринээҕи управлениетын иһитиннэриитинэн,  бэс ыйын 28 күнүттэн от ыйын 4 күнүгэр диэри  29 киһи — 13 дьахтар уонна 16 эр киһи,  ыраахтан олорон албынныыр түөкүттэр угаайыларыгар киирэн биэрбиттэр. Бу албыннаппыт дьонтон үксүлэрэ Дьокуускайга уонна куорат таһыгар олороллор. Полиция управлениетыгар уонна подразделениеларыгар киин сир 20 олохтооҕо тыллаабыт. Онтон атыттара Алдан, Мииринэй, Ленскэй, Нерюнгри, Сунтаар уонна Бүлүү оройуоннарын олохтоохторо. Бу дьон барыта 2 900 000 солк. харчыларыттан мэлийбиттэр.
Дьону ордук сымыйа биржевай былаһааккаларынан уонна «баантан эрийэбит» диэн албынныыллар.
Дьокуускай биир олохтооҕо баҕарбыт парфюмун оннугар баһыылкаҕа чэпчэки суррогаты туппутун тыллаабыт.
Полиция сүбэлиир:  хантан эрэ эрийэбин диэбиттэрин да иһин, билбэт киһигитин кытары кэпсэтимэҥ. Саарбах биржевай былаһааккалартан сэрэниҥ», — диэн ИДьМ Саха сиринээҕи салаатын пресс-сулууспата сэрэтэр.
0
0