Бэрээдэк Маны аах

Түөкүттэр араас угаайыларыттан сэрэниҥ!

Дьокуускай олохтооҕо баан «роботыгар» кодун этэн, элбэх харчытыттан мэлийбит.

Ыраахтан олорон албынныыр түөкүттэр угаайыларыгар, сааһыттан тутулуга  суох ким баҕарар киирэн биэриэн сөп. Бу күннэргэ баан үлэһитэ буолбута буолан кубулунан, аферист, Дьокуускай куоракка олорор 30 саастаах киһини албыннаабытын туһунан СӨ ИДьМ официальнай саайтыгар суруйар.
Бу сырыыга «ВТБ» баан «үлэһитэ» буолбута буолан, биллибэт киһи төлөпүөнүнэн эрийбит. Кини эмсэҕэлээччигэ  кредитнэй каартатын саҥаттан оҥорон таһааралларын туһунан эппит уонна ханнык да куттала суох буоларын туһугар килийиэн хайаан да идентификацияны ааһара наадатын эппит. Эр киһи баан сымыйа «үлэһитигэр» итэҕэйбит уонна каартатын дааннайдарын этэн биэрбит. Салгыы «баан үлэһитэ» бу киһи төлөпүөнүгэр «ВТБ-онлайн» сыһыарыынан код кэлиэхтээҕин санаппыт уонна ону  кимиэхэ да буолбакка, «роботка» эрэ этэригэр «сүбэлээбит». Оттон сарсыныгар, кини төрүт да харчытын устубакка сырыттаҕына, төлөпүөнүгэр харчыта уһуллубутун туһунан хас да биллэрии кэлбит. Онно эрэ түөкүттэр угаайыларыгар киирэн биэрбитин өйдөөбүт. Түөкүттэр киниттэн 98 000 солк. сойбоппуттар.
«Баан үлэһитэ хаһан даҕаны эһигиттэн каартаҕыт кэннигэр баар, СМС, баан каартатын кодтарын ыйыппат.
Түөкүттэр эрэ итинник албынныыллар! СМС-коду кимиэхэ да этиэ суохтааххыт. «Роботизированнай бырагыраамаҕа» эмиэ этимэҥ!» – диэн пресс-сулууспа өйдөтөр, сэрэтэр.
0
0