Бэрээдэк

Түөкүттэр араас албастарыттан сэрэниҥ!

Ньурба олохтооҕо сымыйа брокердар угаайыларыгар киирэн биэрбит.

Кини ситимҥэ инвестиционнай былаһаакка рекламатын көрөн ол угаайытыгар киирэн биэрэн, балачча элбэх харчытыттан мэлийбитин туһунан ИДьМ Саха сиринээҕи салаатын официальнай саайта иһитиннэрэр.
Маҥнай 15 тыһыынча солк. боруобаланан көрөргө быһаарыммыт. Ол түмүгэр, «АЛРОСА» АХ оператора кинилэр сабыдыалларынан, төлөпүөнүгэр маҥнай анал сыһыарыыларын туруоруммут уонна харчытын «инвестициялаабыт». Полицияҕа быһаарбытынан,  бэс ыйын  21 күнүттэн от ыйын 6 күнүгэр диэри 1 275 000 солк. ыыппыт. Билигин процессуальнай бэрэбиэркэ ыытыллар.
«Өрөспүүбүлүкэ ытыктабыллаах олохтоохторо. Сымыйа биржевай былаһааккалартан сэрэниҥ.
Өйдөөҥ, түөкүттэр кирэдьиит ыларга күһэйэллэр уонна иэс ылыллыбыт харчыны бэйэлэрин счеттарыгар ыыттараллар. Оччотугар бу киһи харчыга иэстээх уонна туох да уурунуута суох хаалар. Түөкүттэртэн сэрэниҥ!» — диэн ИДьМ Саха сиринээҕи салаатын пресс-сулууспата сэрэтэр.
0
0