Сүрүн Уопсастыба

Үтүө үгэскэ кубулуттулар

Саҥа дьыл бырааһынньыгар Дьокуускайга элбэх кыбартыыралаах дьиэлэр олохтоохторо кыттыһан олорор дьиэлэрин таһын ыраастыыр, сиппийэр үллэһиттэрин, ону сэргэ дьиэ консъержтарын истиҥник эҕэрдэлээн харчынан бириэмийэлээтилэр.

ДСК оройуонун Воинскай уулуссатыгар баар үс сэргэстэһэ турар саҥа дьиэлэр олохтоохторо номнуо иккис сылларын дьиэ таһын хомуйар үлэһиттэрин Егор Никифорович Макаровы эҕэрдэлииллэр. Ол курдук, бары ким төһөнү кыайарынан харчы бырахса охсон үөрүүлээх быһыыга-майгыга туттардылар.

Маннык үтүө үгэһи быйыл саҥа сыл үүммүтүн кэнниттэн Лермонтов уулуссатын 123, 125 дьиэ олохтоохторо оҥордулар. Кинилэр дьиэлэрин консъержтарыгар минньигэс бэлэхтэри уонна сертификаттары, оттон дьиэ таһын хомуйар үлэһиттэригэр харчынан бириэмийэ туттардылар. Үтүө үгэс ис сүрэхтэн оҥорор үтүө  дьыалаттан үөскүүр. Бытарҕан тымныыга дьиэлэр тастарын ыраастыыр, көрөр-истэр үтүө суобастаах үлэһиттэргэ дьон махтала туохтааҕар да күндү бэлэх буоллаҕа.

Ульяна ЗХАРОВА.

 

 

1
0
Telegram @edersaas20