Төгүрүк сыл оҕуруот аһын үүннэрэр тэпилииссэ тутуутун дьоппуоннар кыттыгас үбүлүөхтэрэ

Дьон олоҕун таһымын тупсарарга, дьоппуон  инвестордара Сахабыт сиригэр саҥа бырайыактары үлэҕэ киллэрэргэ бииргэ үлэлэһиэхтэрэ. Ол туһунан аан дойду таһымнаах (JBIC) дьоппуон баанын салайааччыта Тадаси Маэда Ил Дархан э.т. Айсен Николаевы кытта көрсүһүү түмүгүнэн иһитиннэрдэ.

edersaas.ru

Кини этэринэн, Уһук Илин эрэгийиэҥҥэ айылҕа баайын хостуурга Саха сирэ Японияттан саамай улахан кээмэйдээх үбү ылар эбит. Ону таһынан, үбү угуу боростуой дьон наадатыгар барарынан, Уһук Илиҥҥэ өрөспүүбүлүкэ үс эрэгийиэн ахсааныгар киирэрин бэлиэтээтэ.

Билигин үлэлии турар бырайыактары бэлиэтээтэххэ, «Саюри» тэпилииссэ ситимин иккис уочаратын тутуутун үбүлүүргэ Уһук Илин сайдыытын пуондата 300 мөл. солк. биэрэрин туһунан тойон Маэда эттэ. Тутуу үһүс түһүмэҕэр, СӨ бырабыыталыстыбатын бэрэссэдээтэлин бастакы солбуйааччы э.т. Алексей Стручков этэринэн, 700 мөл. солк. инвестицияны быһа Арассыыйатааҕы пуонда нөҥүө түһэриэхтэрэ.

Марианна ТЫРТЫКОВА, «Саха сирэ» хаһыат, edersaas.ru