Дьиэ кэргэн күнүнэн Нам улууһун Түбэтигэр библиотекарь Марита Сивцева “Олох устун сиэттиһэн” бырайыагынан ыал буолан олорбуттара 35-40 сылын туолбут дьиэ кэргэттэр күрэхтэһиилэрэ быйыл төрдүс сылын ыытылынна.
Төһө даҕаны кус кэмэ буоллар, ыаллар аҕа баһылыктара дурдаларыттан тахсан тэрээһиҥҥэ көхтөөтүк кыттыбыттара дьоһун быһыы буолла. Хас да дьиэ кэргэн алта түһүмэҕинэн күрэхтэстилэр. Түмүккэ Прасковья уонна Владимир Лукавиннар “Нэһилиэк бастыҥ ыала”, Ольга уонна Анатолий Захаровтар “Мындыр өйдөөх дьиэ кэргэн”, Дария уонна Олег Дьяконовтар «Талба талааннаах дьиэ кэргэн» номинациялары ылан, нэһилиэк дьаһалтата, түөлбэлэр итиэннэ бырайыак ааптара олохтобут бириистэринэн бэлиэтэннилэр.
Раиса Сибирякова, “Саха сирэ» edersaas.ru
Захаровтар “Роса” бытыылкатынан оҥоһуктарын көрдөрөллөр
— Оҕолоох ыалтан Уот иччитэ үөрэр, — дэһэллэр Дьяконовтар.
Лукавиннар эргиччи талааннаахтар.
Сыанаҕа – Түбэ бастыҥнара!