Бу күннэргэ Түбэй нэһилиэгиттэн 500 миэтэрэ тэйиччи сиргэ ойуур баһаара турбута бэлиэтэнэр.
Ойуур уотун баһаарын умуруоруутугар Сунтаар улууһун Аҕа баһылыга Анатолий Григорьев салайааччылаах ыксаллаах быһыы-майгы инфраструктуратын салаата уонна айылҕа харыстабылын инспекцията суһал бөлөх тэрийэн, дьону түмэ тардан, уоту умуруорар тэриллэринэн уонна ону таһынан улахан техниканан хааччыйан, ойуур уотун умуруоруутугар үлэ ыыталлар. Үөһэттэн бөртөлүөтүнэн 72 туонна уу кутуллан ойуур уота намтаан нэһилиэнньэлээх пууҥҥа уонна социальнай-экэнэмиичэскэй эбийиэктэргэ кутталы суоһаабат буолла, олохтоохтору дьиэлэриттэн көһөрүү ирдэммэтин, балаһыанньа хонтуруолга тутулларын иһитиннэрдилэр. Билигин уот өрө барбатын диэн территорияны күүскэ маныыллар.
«Сунтаар улууһа (оройуона)» муниципальнай оройуон дьаһалтатын пресс-сулууспата