Сыырдаах оскуолатын 1991 сыллаахха бүтэрбиттэр нэһилиэктэригэр бэлэх оҥордулар

Уус  Алдан улууһугар Сыырдаах олохтоохторо нэһилиэктэрин тупсарарга күүстэрин түмэллэр, сомоҕолоһоллор.

Нэһилиэк орто оскуолатын 1990 сыллаахха бүтэрбит выпускниктар үтүө хамсааһыннарын өйөөн, 1991 сыл бүтэрбиттэр кыттыһан, нэһилиэктэрин киэн туттар сирдэригэр — Дьоруойдар искибиэрдэригэр дьон-сэргэ сынньанарыгар анаан кырасыабай бэйэлээх хачыалы оҥоттордулар. Хачыалы биир дойдулаахтара, П.А.Ойуунускай аатынан саха академическай драматическай тыйаатырыгар үлэлиир СӨ үтүөлээх артыыһа Петр Садовников оҥордо, чочуйда.

—Төрөөбүт тапталлаах нэһилиэкпит Сыырдаах көрүөхтэн кэрэ, тупсаҕай буоларын туһугар, бу курдук сыл аайы үбүлүөйдээх выпускниктар үтүө хамсааһыны өйөөн, бэлэх оҥоруоҕуҥ, — диэн санааларын үллэстэллэр. Саас халлаан сылыйдаҕына, искибиэргэ хачыалларын илдьэн туруорар былааннаахтар.