Эппиэтинэс икки бүк үрдээтэ

Ааптар: 
Бөлөххө киир:

Гайдаровскай пуорумҥа Саха Өрөспүүбүлүкэтин бастыҥ цифровой эрэгийиэнинэн билиммиттэрэ. СӨ Ил Дархана Айсен Николаев «Саха» НКИХ уонна «Якутия 24» ханаалларынан быһа биэриигэ бу кэпсэтиигэ тохтоото.

Саха сиригэр сыыппаранан сибээһи киллэрии олус улахан суолталаах, наадалаах. Бу ордук өрөспүүбүлүкэҕэ коронавируһу утары охсуһуу кэмигэр дьэҥкэтик көһүннэ, өйдөннө. Сыыппаранан сибээс киллэриллибит буолан, «Облачная поликлиника», телемэдиссиинэ көмөтүнэн сүбэни-аманы быһа биэрэ олоруу тиһиктээхтик тэрилиннэ. Ол курдук, ааспыт сылга телемэдиссиинэнэн коронавирус дьаҥын утары охсуһууга, бохсууга 15 тыһыынча сүбэ-ама бэриллибит. Маныаха саамай ыраах олорор нэһилиэктэр олохтоохторо кытары бу өҥөнөн туһаммыттара.

Гайдаровскай пуорумҥа Саха Өрөспүүбүлүкэтин бастыҥ цифровой эрэгийиэнинэн билиниилэрэ биһиэхэ соһуччу буолбута. Дьиҥэр бастыҥҥа киирсэр соруктаах этибит эрээри, бочуоттаах аакка 2024 сыллар диэки тиксэрбит буолуо дии саныырбыт. Онон уустук 2020 сыл түмүгүнэн маннык бочуоттаах ааты ылбыппыт биһиги үөрүүбүтүн икки бүк үрдэтэрин сэргэ, эппиэтинэспитин эмиэ икки бүк улаатыннарар, — диэтэ Айсен Николаев.

Маны сэргэ, Ил Дархан былырыын Өлөөҥҥө оптоволокно ситимэ тардыллыбытын, үлэ Саакылаахха, онтон Үрүҥ Хайаҕа салҕанар эттэ. Верхоянскай оройуонугар үлэ ыытылларыгар сөбүлэһии түһэрсиллибит. «Ростелеком» хампаанньаны кытары Халыма оройуонугар тахсар туһунан толкуйдар баалларын, боппуруос чугастааҕы сылларга быһаарылларыгар эрэнэрин эттэ.

Хаартыска: СИА

+1
0
+1
0
+1
0
+1
0
+1
0
+1
0
+1
0