Сыстыганнаах дьаҥынан сутуллуу элбээбитинэн, Дьокуускайга саататар тэрээһиннэр бобуллуохтарын сөп
Сыстыганнаах дьаҥынан сутуллубут дьон ахсаана намтыан оннугар, үрдүү турарынан сибээстээн, Дьокуускай куорат мээрийэтэ дьону саататар тэрээһиннэри быстах кэмҥэ балаһыанньа тупсуор диэри тохторго этии киллэрэн, өрөспүүбүлүкэтээҕи суһал ыстаапка тустаах докумуону ыытыаҕа.
— Роспотребнадзор ирдэбиллэрин тутуспакка, саататар тэрилтэлэргэ дьон мустуута үгүс. Онон сибээстээн, сыстыганнаах дьаҥынан сутуллуу ахсаана аҕыйыар диэри, саататар тэрээһиннэри тохтоторго этии киллэриэхпит, — диэн куорат мээрэ Евгений Григорьев бэлиэтээтэ.
Бу туһунан «Сахамедиа» холдинг yarutia_daily.ru сонун агенствота иһитиннэрдэ.
Кырдьык, уопсай чахчынан Дьокуускай куоракка сыстыганнаах дьаҥынан сутуллуу ахсаана өрүү бары улуустары улаханнык баһыйар. Ол курдук, нэдиэлэтээҕи чахчынан ыарыыга сутуллуу 1,3% үрдээтэ.
Елена ПОТОЦКАЯ, «Саха сирэ» хаһыат.
Хаартыска: yarutia_daily.ru сонун агенствота.