Сыстыганнаах дьаҥы бохсууга туһуламмыт миэрэлэри үөрэхтээһин эйгэтигэр тутуһуу туһунан ыйаах таҕыста

Бүгүн, атырдьах ыйын 30 күнүгэр, Ил Дархан Айсен Николаев 2021-2022 сыллааҕы үөрэх дьылыгар сыстыганнаах дьаҥы бохсууга туһуламмыт миэрэлэри үөрэхтээһин эйгэтигэр тутуһуу туһунан ыйаахха илии баттаата.

Докумуоҥҥа этиллэринэн, өскө сыстыганнаах дьаҥынан сибээстээн, үөрэх кыһалыарыгар уустук балаһыанньа үөскүүр түбэлтэтигэр үөрэх тэрилтэлэрэ тэйиччиттэн үөрэтии эрэсиимигэр киириэхтэрин сөп.

Оҕо уонна ыччат, ону тэҥэ учууталлар уонна үөрэхтээһин тэрилтэлэрин үлэлэрин хааччыйар дьон  доруобуйаларын харыстыыр инниттэн үөрэх тэрилтэлэригэр туора дьону сырытыннарыы (ол иһигэр төрөппүттэри  эмиэ)  хааччахтанар.

Бары муниципальнай тэриллиилэр баһылыктара, бөдөҥ тэрилтэлэр салайааччылара санитарнай -эпидемиологическай ирдэбиллэр тутуһуллалларын  булгуччу хааччыйыахтаахтар уонна ирдиэхтээхтэр.

СӨ Доруобуйа харыстыбылын министиэристибэтэ үөрэх тэрилтэлэригэр көһө сылдьар мэдиссиинискэй  көрүүнү-истиини оҥороллоругар сорудахтанна.

Ыйаахха  дуоһунастаах дьон тустаах  эппиэтинэһи сүгэллэрин туһунан ыйылынна.

Елена ПОТОЦКАЯ, «Саха сирэ» хаһыат.