Бүгүн СӨ Суһал ыстаабын мунньаҕар Ил Дархан Айсен Николаев быһыыны ылыыга улахан болҕомтону уурарга туһаайда.
Кини сыстыганнаах дьаҥ төрдүс долгуна чугаһаабытын бэлиэтээтэ. Арҕаа дойдуларга бу долгуну «быһыыны ылбатахтар пандемиялара» диэн бэлиэтииллэрин тоһоҕолоото. Ордук улахан болҕомто 65%-тан аҕыйах быһыыны ылбыт улуустарга уурар наадатын ыйда.
Ол курдук, эригийиэннээҕи суһал ыстаап мунньаҕар быһыыны ылыыга намыһах көрдөрүүлээх улуустарынан Алдан, Амма, Булуҥ, Үөһээ Бүлүү, Мэҥэ Хаҥалас, Мииринэй, Нам, Нерюнгри, Сунтаар, Таатта, Уус Алдан, Усуйаана, Чурапчы улуустара ааттаннылар.
Елена ПОТОЦКАЯ, «Саха сирэ» хаһыат, edersaas.ru
Хаартыска — Андрей Сорокин, СИА.
+1
+1
+1
+1
+1
+1
+1