Сыралаах үлэ сиэрдээх сыанабыла

Ааптар: 
Бөлөххө киир:

Бүлүүтээҕи Бэтэринээрийэ управлениетын отделын сэбиэдиссэйэ Александра Васильева Национальнай бэтэринээринэй ассоциация мэтээлинэн наҕараадаланна.

Александра Васильева 1976 сыллаахха Мастаах орто оскуолатын бүтэрэн, хомсомуол путевкатынан сопхуос пиэрмэтигэр ыанньыксыттаабыта. 1985 сыллаахха Благовещенскайдааҕы тыа хаһаайыстыбатын институтун ситиһиилээхтик бүтэрбитэ. Бастаан Балаҕаччыга үлэлээбитэ, онтон 1986-1993 сс. «Мастаах» сопхуос сүрүн бэтэринээр бырааһынан анаммыта. Ити сылларга эмтиир-сэрэтэр үлэ тиһигэ утумнаахтык тэриллэн, сопхуоска сүөһүнү чөл тутуу 95-97 %-ҥа, төрүөҕү ылыы 90-93 %-ҥа тиэрдиллибитэ.

Александра Васильевна билигин Бүлүүтээҕи Бэтэринээрийэ управлениетын эмтиир-сэрэтэр дьаһаллары тэрийэр отделын салайар. Кини үлэлээбит сылларын устатыгар идэтин дэгиттэр баһылаабыт, дириҥ билиилээх исписэлиис быһыытынан дьон-сэргэ ытыктабылын ылла, элбэх эдэр ыччаты бэйэтин идэтигэр уһуйда. Үтүө суобастаах, сыралаах үлэ сиэрдээхтик сыаналанан, Александра Васильевна Бэтэринээр күнүгэр, балаҕан ыйын 2 күнүгэр, дойду Национальнай бэтэринээринэй ассоциациятын «Бэтэринээрийэ эйгэтигэр ситиһиилэрин иһин» мэтээлинэн наҕараадаланна. Александра Васильевнаны биир идэлээхтэрэ уонна улууһун олохтоохторо үрдүк наҕарааданан эҕэрдэлииллэр, чэгиэн доруобуйаны, ситиһиилэри баҕараллар.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0