Бүгүн, атырдьах ыйын 31 күнүгэр, «Саха» НКИХ, «Якутия24» телеханаалынан уонна «Тэтим» араадьыйаҕа СӨ Ил Дархана Айсен Николаев Саха сирин олохтоохторугар туһаайан тыл эттэ.
Кини ойуур баһаардарыттан эмсэҕэлээбит улуустар дьонноругар-сэргэлэригэр, ордук оҕолорго болҕомто уурулларын бэлиэтээтэ. Ол курдук, өрөспүүбүлүкэ аҕыс оройуонуттан уопсайа 146 оҕо «Артекка», «Орленокка» уонна «Океаҥҥа» сынньана сылдьаллар. 70 оҕо «Орленокка» балаҕан ыйын 1 күнүгэр көтүөҕэ. Маны таһынан, Тюмень куоракка уонна Москуба анныгар чартернай рейстэринэн 180 киһи санаторийдарга сынньана көппүт. Бу сүрэх-тымыр, дьарҕа буолбут ыарыылаахтар, тыынар уорганнара ыалдьар дьон. Чугастааҕы күннэргэ өссө 70 киһи Москуба анныгар уонна Владимирскай уобаласка санаторийдарга көтүөхтэрэ диэтэ.
Ойуур уотун бохсууга уонна умуруорууга үлэлэһэр сыаллаах-соруктаах баҕа өттүнэн тэриллибит ыстаап уонна мэдиссиинэ холбоһугун көҕүлээһиннэринэн, өрөспүүбүлүкэ килииникэлэригэр ойуур баһаардарын утары охсуһууга бэйэлэрин баҕаларынан кыттыбыт дьон доруобуйаларын көрүү ытыллыаҕын туһунан Ил Дархан иһитиннэрдэ.
Хаартыска: aif.ru