Горнай улууһун Бэс Күөлүгэр бэҕэһээ алдьархай буолла. Дьон уонунан сыл туттубут, мунньуммут баайа — дьиэтэ-уота, мала-сала көрдөрбүтүнэн уокка былдьанна. Күн бүгүҥҥэ диэри социальнай ситимнэринэн “хас дьиэ умайда”, “сураҕа, дэриэбинэ барыта умайбыт үһү” диэн сурахтар тарҕаналлар.
Өрөспүүбүлүкэтээҕи суһал ыстаап ити сымыйа сурах буоларын ыйар. Горнай улууһун суһал ыстаабын бүтэһик чахчытынан, 31 олорор дьиэ уонна 8 хаһаайыстыбаннай тутуу уокка былдьаммыт. Уоттан 225 олорор дьиэни быыһаабыттар.
Сороҕор күүркэтэр, суоҕу даҕаны баар оҥорор дьон баар буолаллар. Онон хас биирдии бассаабынан кэлбит сураҕы буолбакка, официальнай иһитиннэриилэр чахчыларын ааҕыҥ.
“Саха сирэ” хаһыат, edersaas.ru
+1
+1
+1
+1
+1
+1
+1