Суут силиэстийэтин кэмигэр сымыйа көрдөрүү биэрбит туоһуга бэйэтигэр суут уурааҕа тахсыбытын туһунан СӨ Борокуратууратын пресс-сулууспата иһитиннэрдэ.
Ньурба оройуоннай суутугар 2017 сыл сэтинньи ыйыгар 32 саастаах Р. диэн киһи туоһу быһыытынан суут мунньаҕар кыттыбыт. Онуоха суут өскөтүн сымыйа көрдөрүү биэрдэххэ холуобунай эппиэккэ тардыллыахха сөп диэн илии баттатан туран, сэрэтии биэрбит.
Ол эрээри, бу туоһу ол сэрэтиини аанньа ахтыбакка, халааһыҥҥа, кырбааһыҥҥа, киһини өлөрүүнэн суоһурҕаныыга буруйданар билэр киһитин туһатыгар атын, оруна суох көрдөрүү биэрбит.
Оттон ол киһи оҥорбут буруйа дакаастанан, суут бириигэбэрэ тахсан, күүһүгэр киирбит.
Онон, борокуратуура бу туоһуга РФ Холуобунай кодексатын 307-с ыст. 1 чааһынан дьыала тэрийэр туһунан матырыйааллары силиэстийэ уорганнарыгар ыыппыт.
Ол түмүгэр, холуобунай дьыала тэриллэн, силиэстийэлэнэн бүтэн, суукка көрүллэн, бириигэбэр тахсыбыт.
Суут уурааҕынан, сымыйа көрдөрүү биэрбит туоһу 304 чааска булгуччулаах үлэҕэ ууруллубут.
Биһиги корр., «Саха сирэ» хаһыат, edersaas.ru
Хаартыска: интэриниэттэн.