Быйыл төрдүс төгүлүн ыытыллар өрөспүүбүлүкэтээҕи Сылгыһыт күнэ кулун тутар 21-22 күннэригэр Мэҥэ Хаҥалас улууһугар Хараҕа, Куоҥ Харах ипподромугар, Социалистическай Үлэ Дьоруойа Афанасий Степанов төрөөбүтэ 100 сылыгар ананан ыытыллара былааннаммыта эрээри, харантыынынан сибээстээн көһөрүлүннэ.
edersaas.ru
Афанасий Егорович Степанов Аҕа дойдуну көмүскүүр улуу сэрии ыарахан сылларыгар «Хамбаайын» холкуоска сылгыһыттаабыта. 1945-1949 сыллардаахха, эбэтэр биэс сыл устата 26 биэттэн 121 кулуну ылбыта, ол иһигэр 1947 сыллаахха 21 биэттэн сүүс бырыһыан төрүөҕү ылан, энчирэппэккэ ииппитэ. Бу уһулуччу көрдөрүүтэ сыаналанан, 28 саастаах эдэр киһи ССРС Үрдүкү Сэбиэтин Президиумун 1948 сыл атырдьах ыйын 5 күнүнээҕи Ыйааҕынан Үлэ Дьоруойа буолбута. Доруобуйата мөлтөҕүн аахсыбакка харса суох үлэлээбит Дьоруой-сылгыһыт баара-суоҕа 36 сааһыгар өлбүтэ.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1