Кыһыҥҥы тоһуттар тымныыга оптуобус кэтэһэн, куорат үгүс олохтооҕо токуччу тоҥон турарыгар тиийэр. Хата, аҕыйах сылтан бэттэх, сылаас тохтобуллар сорох маршруттарынан баар буолуохтарыттан, олохтоохтор абыраннылар.
Куорат Уокуруктааҕы дьаһалтата анал сылаас тохтобуллары тутан, билиҥҥитэ Гимеиҥҥэ, Можайскай уулуссатыгар, «Строительнай» ырыынакка, Тулагыга, «Лена», «Киин» киинэ тыйаатырдарыгар, «Крытай» ырыынакка, автовокзалга, Каландаришвили уулуссатыгар үлэлии тураллар.
Сэтинньи 17 күнүгэр 1-гы нүөмэрдээх поликлиника таһыгар сылаас саҥа тохтобул үөрүүлээх быһыыга-майгыга аһыллыахтааҕын туһунан «Мегафон» ПАУо Саха сиринээҕи салаатын пресс-сулууспата иһитиннэрдэ. Маннык тохтобулларга киһи иттэрин таһынан, оптуобус сырыытын көрөр, босхо wi-fi өҥөтүн туһанар. «1-гы нүөмэрдээх поликлиника» тохтобулугар «Мегафон» суотабай сибээс операторын салона үлэлиэҕэ.