Маны аах Уопсастыба

Сылаҥ, махтал! Туора Күөл, дорообо!

Ыалдьытымсах дьонноох Чурапчы улууһун Сылаҥ нэһилиэгэр үөрүүлээх бырааһынньык — 2022 сыллааҕы Аҕа күрэҕэ түмүктэннэ.

Ыалдьыттар уонна олохтоохтор биир уус аймах курдук чугасаһан, бэйэ-бэйэни кытта билсэн, үөрэн-көтөн тарҕастыбыт. Оннук буолуохтаах да буоллаҕа — саха дьоно сомоҕолостохпутуна итинник турукка киирэр буоллахпыт.
Суруналыыс киһи кэтээн көрүүбэр, бу тэрээһин уопсастыбанньыктар бырааһынньыктарынан буолла. Ол курдук, Сылаҥ нэһилиэгин дьахталларын сэбиэтин, эр дьонун түмсүүтүн улаханөйдөбүллэринэн бу тэрээһин норуот бырааһынньыгын быһыытынан барда. Оскуола уонна култуура дьиэтин үлэһиттэрэ тэрээһиҥҥэ сүрүн кыттыыны ылан, киһи тылынан кэпсээбэт бэртээхэй бырааһынньыга буолла. Маныаха эбии өрөспүүбүлүкэ улуустарын бастыҥ аҕалара кэлэн күрэхтэһэн, тэрээһини олох ураты тыыннаатылар. Онон Сылаҥҥа бу икки күн устата өйтөн-сүрэхтэн өргө диэри сүппэт бырааһынньык буолла.

«Сылаҥ, махтал! Дорообо, Туора Күөл!» диэн санаалаах ыалдьытымсах Сылаҥ сириттэн үөрэ-көтө араҕыстыбыт. Эһиил аны кыайыылаах Петр Чупров төрөөбүт дойдутугар Таатта улууһун Туора Күөлүгэр өрөспүүбүлүкэтээҕи Аҕа күрэҕэр көрсүөхпүт!

 

Елена ПОТОЦКАЯ

Чурапчы, Сылаҥ

1
0
Telegram Whatsapp