Бүгүн Сунтаар улууһугар «Бартыһаан» култуура киинин дьиэтигэр «Үлэ киһитин уруйдуур» сылы түмүктүүр уонна «Бэйэ оҥорон таһаарыыта» сылы арыйыыга туһуламмыт үөрүүлээх тэрээһин ыытылынна.
edersaas.ru
Тэрээһин үөрүүлээх чааһыгар Сунтаар улууһун Аҕа баһылыга А.В.Григорьев алгыс тылларынан саҕалаата. Сыл түмүгүнэн үлэһит дьоммутун бэлиэтээтэ уонна наҕараадалары туттартаата.
Биллэрин курдук, ааспыт 2017 сылга улууспут үрдүнэн, нэһилиэктэр икки ардыларыгар киэҥ далааһыннаах үлэ ыытыллыбытын түмүгүнэн, күрэхтэһии кыайыылаахтарын чиэстээтилэр.
Кыра ахсааннаах нэһилиэктэргэ — бастакы миэстэҕэ — Күүкэй, иккискэ — Түбэй, үһүскэ — Устье таҕыстылар.
Тыһыынчаны кыайбат нэһилиэнньэлээх нэһилиэктэргэ инники күөҥҥэ куокунулар, иккискэ маар күөллэр, үһүскэ түбэй дьаарханнар таҕыстылар.
Улахан нэһилиэктэргэ кутаналар бастаатылар. Иккис — Элгээйи, үһүс — Бордоҥ буоллулар. Миэстэлэспит нэһилиэктэр сыаналаах бириистэринэн наҕараадаланнылар.
Тимур Иванов, Сунтаар, edersaas.ru сайтка анаан
