“Сыл учуутала” куонкурус лауреаттара билиннилэр

Бэҕэһээҥҥиттэн 30-с төгүлүн ыытыллар, идэҕэ маастарыстыбаны көрдөрөр “Сыл учуутала-2021” өрөспүүбүлүкэтээҕи куонкурус саҕаламмыта. Куонкуруска 22 улуустан уонна Дьокуускай куораттан 27 учуутал кыттар.

edersaas.ru

Үөһээ Бүлүү улууһун уонна Дьокуускай куораты иккилии бэрэстээбитэл көмүскүүр, онтон Уус Маайа улууһуттан — үс кыттааччы. Уопсайа, 8 нуучча тылын уонна литэрэтиирэтин, 5 история, 3 омук тылын, 3 математика, 2 алын кылаас уонна биирдии информатика, биология, химия, технология, физика учууталлара бааллар.

Куонкуруска кыттааччылары СӨ үөрэҕин уонна наукатын миниистирэ М.П. Сивцев, СӨ Үөрэҕин үлэһиттэрин Идэлээх сойуустарын рескомун бэрэссэдээтэлэ Я.С. Щепанская, С.Н. Донской-II аатынан Үөрэҕи сайыннарар уонна идэ таһымын үрдэтэр институт дириэктэрэ Н.М. Павлов, дириэктэри бастакы солбуйааччы, СӨ үөрэҕин уонна наукатын миниистирин сүбэһитэ, педагогика билимин дуоктара Г.И. Алексеева истиҥник эҕэрдэлээтилэр.

Куонкурус иккис күнүгэр бастакы түһүмэххэ уруоктар буоллулар. Онлайн көрүҥүнэн барбыт уруоктары дьүүллүүр сүбэ уонна эспиэрдэр кэтээн көрдүлэр. Уруоктар “Дьокуускай куорат” куораттааҕы уокурук түөрт оскуолатын былаһааккатыгар буоллулар: Дьокуускай куораттааҕы классическай гимназия, Л.А. Колосова аатынан 33-с нүөмэрдээх орто оскуола, “Айыы Кыһата” гимназия, А.Г. уонна Н.К. Чиряевтар ааттарынан Дьокуускай куораттааҕы национальнай гимназия.

Дьүүллүүр сүбэ быһаарыытынан 15 кыттааччы иккис түһүмэххэ (“Кылаас чааһа” уонна “Маастар-кылаас”) кыттар быраабы ылла:

1. Татьяна Николаевна Федотова (Өлөөн улууһун Х.М. Николаев аатынан Өлөөн орто оскуолатын алын кылааһын учуутала);
2. Ульяна Борисовна Посельская (Өймөкөөн улууһун Н.М. Заболоцкай аатынан Томтор орто оскуолатын химияҕа учуутала);
3. Ирина Владимировна Гончарова (Нерюнгри улууһун С.С. Каримова аатынан Нерюнгри куорат 1-кы нүөмэрдээх гимназиятын математикаҕа учуутала);
4. Галина Юрьевна Габышева (Үөһээ Бүлүү улууһун Ороһу орто оскуолатын биологияҕа, химияҕа учуутала);
5. Анна Сергеевна Конова (Дьокуускай куорат 23-с нүөмэрдээх орто оскуолатын омук тылын учуутала);
6. Кадыр Леонидович Казакбаев (Алдан улууһун Алдан 9-с нүөмэрдээх орто оскуолатын историяҕа учуутала);
7. Максим Иванович Воронов (Бүлүү улууһун И.Л. Кондаков аатынан гимназия англияҕа тылын учуутала);
8. Елизавета Ивановна Неустроева (Таатта улууһун И.П. Жегусов аатынан гимназия нуучча тылын уонна литэрэтиирэтин учуутала);
9. Саина Григорьевна Романова (Абый улууһун Н.Н. Ефимов аатынан гимназия физикаҕа учуутала);
10. Мария Владимировна Слепцова (Уус Маайа улууһун Петропавловскай орто оскуолатын математикаҕа учуутала);
11. Михаил Аркадьевич Самсонов (Мэҥэ Хаҥалас улууһун В.П. Ларионов аатынан Майа орто оскуолатын историяҕа, обществознаниеҕа учуутала);
12. Сергей Владимирович Борисов (Уус Алдан улууһун Өспөх орто оскуолатын историяҕа, обществознаниеҕа учуутала);
13. Дина Сергеевна Егорова (Уус Маайа улууһун Петропавловскай орто оскуолатын нуучча тылын уонна литэрэтиирэтин учуутала);
14. Ньургустана Николаевна Уваровская (Кэбээйи улууһун Мастаах орто оскуолатын историяҕа уонна обществознаниеҕа учуутала);
15. Мария Иннокентьевна Аммосова (Эбээн Бытантай улууһун Саккырыыр орто оскуолатын нуучча тылын уонна литэрэтиирэтин учуутала).

Ити курдук, финалга тахсар, куонкурус муҥутуур кыайыылааҕа аатын ылар туһугар күүстээх киирсии салҕанар. Лауреаттарга ситиһиилэри баҕарабыт.

Дария САННИКОВА, Үөрэҕи сайыннарар уонна идэ таһымын үрдэтэр институт уопсастыбаннаһы кытта үлэҕэ салаата.