Сүрүн Үөрэх уонна наука Эдэр саас

“Сыл учуутала” куонкурус кыайыылааҕынан омук тылын учуутала Анна Конова буолла (ВИДЕО)

Биэс күн устата барбыт Бүтүн Арассыыйатааҕы “Сыл учуутала-2021” куонкурус өрөспүүбүлүкэтээҕи түһүмэҕэ түмүктэннэ. Муҥутуур кыайыылааҕынан омук тылын учуутала Анна Конова ааттанна.

edersaas.ru

Куонкурус биэс күн устата үс түһүмэҕинэн барда. Кыттааччылар уруок, кылаас чааһын, маастар-кылааһы ыыттылар, ыйытыыларга хоруйдаатылар.

 

 

Үс түһүмэх кэнниттэн 26 кыттааччыттан саамай элбэх баалы хомуйан, муҥутуур кыайыылааҕынан Дьокуускай куорат 23-с нүөмэрдээх оскуолатын омук тылын (аангылыйа/кытай) учуутала Анна Конова таҕыста.

Быйыл куонкурус пандемия олоччу уһулла илик усулуобуйатыгар ыытыллыбыт буолан, сорох түһүмэх дистанционнай көрүҥүнэн барда. Интэриниэт баран кыратык уустуктары үөскэтэ сырытта. Уопсайынан, куонкурус интэриэһинэйдик ааста. Саҥа уопуту иҥэриннибит, бу кэнэҕэһин үлэбитигэр көмөлөһүө дии саныыбын.

Дьонум кыайбыппын истэ иликтэр, онон кинилэргэ төлөпүөннүөм уонна утуйуом этэ”, — диэн сыанаттан түһээт санаатын үллэһиннэ.

Анна Сергеевна бары түһүмэхтэртэн ордук Дьокуускай куораттааҕы национальнай гимназия 10-с кылааһын үөрэнээччилэригэр ыыппыт кылаас чааһа өйдөнөн хаалбытын, оҕолору кытта уопсай тылы булбутун кэпсиир. Түгэнинэн туһанан эҕэрдэтин ыытта, махталын биллэрдэ.

 

“Сыл учуутала-2021” куонкурус лауреаттара:

  1. Федотова Татьяна Николаевна (Өлөөн улууһун Х.М. Николаев аатынан Өлөөн орто оскуолатын алын кылааһын учуутала);
  2. Посельская Ульяна Борисовна (Өймөкөөн улууһун Н.М. Заболоцкай аатынан Томтор орто оскуолатын химияҕа учуутала);
  3. Гончарова Ирина Владимировна (Нерюнгри улууһун С.С. Каримова аатынан Нерюнгри куорат 1-кы нүөмэрдээх гимназиятын математикаҕа учуутала);
  4. Габышева Галина Юрьевна (Үөһээ Бүлүү улууһун Ороһу орто оскуолатын биологияҕа, химияҕа учуутала);
  5. Конова Анна Сергеевна (Дьокуускай куорат 23-с нүөмэрдээх орто оскуолатын омук тылын учуутала);
  6. Казакбаев Кадыр Леонидович (Алдан улууһун Алдан 9-с нүөмэрдээх орто оскуолатын историяҕа учуутала);
  7. Воронов Максим Иванович (Бүлүү улууһун И.Л. Кондаков аатынан гимназия англияҕа тылын учуутала);
  8. Неустроева Елизавета Ивановна (Таатта улууһун И.П. Жегусов аатынан гимназия нуучча тылын уонна литэрэтиирэтин учуутала);
  9. Романова Саина Григорьевна (Абый улууһун Н.Н. Ефимов аатынан гимназия физикаҕа учуутала);
  10. Слепцова Мария Владимировна (Уус Маайа улууһун Петропавловскай орто оскуолатын математикаҕа учуутала);
  11. Самсонов Михаил Аркадьевич (Мэҥэ Хаҥалас улууһун В.П. Ларионов аатынан Майа орто оскуолатын историяҕа, обществознаниеҕа учуутала);
  12. Борисов Сергей Владимирович (Уус Алдан улууһун Өспөх орто оскуолатын историяҕа, обществознаниеҕа учуутала);
  13. Егорова Дина Сергеевна (Уус Маайа улууһун Петропавловскай орто оскуолатын нуучча тылын уонна литэрэтиирэтин учуутала);
  14. Уваровская Ньургустана Николаевна (Кэбээйи улууһун Мастаах орто оскуолатын историяҕа уонна обществознаниеҕа учуутала);
  15. Аммосова Мария Иннокентьевна (Эбээн Бытантай улууһун Саккырыыр орто оскуолатын нуучча тылын уонна литэрэтиирэтин учуутала).

 

 

 

“Сыл учуутала-2021” куонкурус призердара:

  1. Гончарова Ирина Владимировна, Нерюнгри куорат С.С. Каримова аатынан 1-кы нүөмэрдээх гимназиятын математикаҕа учуутала (Нерюнгри улууһа);
  2. Конова Анна Сергеевна, Дьокуускай куорат В.И. Малышкин аатынан 23-с нүөмэрдээх оскуолатын омук тылын (кыт/англ) учуутала;
  3. Самсонов Михаил Аркадьевич, В.П. Ларионов аатынан Майа орто оскуолатын историяҕа уонна обществознаниеҕа учуутала (Мэҥэ Хаҥалас улууһа);
  4. Романова Саина Григорьевна, Н.Н. Ефимов аатынан Үрүҥ Хайа гимназиятын физикаҕа учуутала (Абый улууһа);
  5. Посельская Ульяна Борисовна, Н.М. Заболоцкай аатынан Томтор орто оскуолатын химияҕа учуутала (Өймөкөөн улууһа).

 

Үгэс быһыытынан, өрөспүүбүлүкэҕэ “Сыл учуутала” куонкуруска кыайбыт учуутал Саха сирин аатыттан Бүтүн Арассыыйаҕа кытта барар. Эдэр учууталга ситиһиилэри баҕарабыт!

 

 

Людмила ПОПОВА, “Саха сирэ” хаһыат, edersaas.ru

Ааптар хаартыскаҕа түһэриилэрэ.

2
0
Telegram @edersaas20