Сүрүн Үөрэх уонна наука

“Сыл учуутала” куонкурус 5 призера билиннэ

Бу күннэргэ “Сыл учуутала” куонкурус өрөспүүбүлүкэтээҕи түһүмэҕэ буола турар. Саха сирин 27 бастыҥ учуутала кэлэн кытта сылдьар. Бастакы түһүмэх кэнниттэн 15 лауреат ааттаммыта, олортон финалга 5 учуутал таҕыста.

edersaas.ru

СӨ Үөрэҕи сайыннарар уонна идэ таһымын үрдэтэр институт саайтыгар суруйалларынан, бастакы икки түһүмэх кэнниттэн 5 призер финалга тахсыбыт.

  1. Гончарова Ирина Владимировна, Нерюнгри куорат С.С. Каримова аатынан 1-кы нүөмэрдээх гимназиятын математикаҕа учуутала (Нерюнгри улууһа);
  2. Конова Анна Сергеевна, Дьокуускай куорат В.И. Малышкин аатынан 23-с нүөмэрдээх оскуолатын омук тылын (кыт/англ) учуутала;
  3. Самсонов Михаил Аркадьевич, В.П. Ларионов аатынан Майа орто оскуолатын историяҕа уонна обществознаниеҕа учуутала (Мэҥэ Хаҥалас улууһа);
  4. Романова Саина Григорьевна, Н.Н. Ефимов аатынан Үрүҥ Хайа гимназиятын физикаҕа учуутала (Абый улууһа);
  5. Посельская Ульяна Борисовна, Н.М. Заболоцкай аатынан Томтор орто оскуолатын химияҕа учуутала (Өймөкөөн улууһа).

“Сыл учуутала-2021” куонкурус муҥутуур кыайыылааҕын аата бүгүн, муус устар 9 күнүгэр биллиэҕэ. Салгыы Бүтүн Арассыыйатааҕы “Сыл учуутала” куонкуруска Саха сирин көмүскүүр чиэскэ тиксиэҕэ.

 

Людмила ПОПОВА, “Саха сирэ” хаһыат, edersaas.ru

Хаартыска: http://iroipk-sakha.ru/2021/04/08/5-%d0%bf%d1%80%d0%b8%d0%b7%d0%b5%d1%80%d0%be%d0%b2-%d1%84%d0%b8%d0%bd%d0%b0%d0%bb%d1%8c%d0%bd%d0%be%d0%b3%d0%be-%d1%82%d1%83%d1%80%d0%b0/

0
1
Telegram @edersaas20