Былаан быһыытынан, бу сыл ахсынньытыгар диэри өрөспүүбүлүкэбитигэр сэттэ оскуола уонна аҕыс уһуйаан үлэҕэ киириэхтээхтэр. Дьокуускайга икки эбийиэк тутулла турар, маны таһынан Томпоҕо, Кэбээйигэ, Мэҥэ Хаҥаласка, Үөһээ Бүлүүгэ уонна Бүлүүгэ тутуу барар диэн СӨ Үөрэҕин министиэристибэтин саайтыгар суруллубут.
Дьокуускайга сыл бүтүөр диэри 203-с микро-оройуоҥҥа 360 миэстэлээх оскуола уонна 31-с №-дээх оскуола эбии тутуута үлэҕэ киириэхтээхтэр. Томпо улууһун Хаандыгатыгар 220 оҕоҕо анаммыт элбэх хайысхалаах гимназия, Бүлүү Тааһаҕарыгар 80 миэстэлээх оскуола, Үөһээ Бүлүү Тамалакааныгар 145 миэстэлээх оскуола-саад, Кэбээйи Лүксүгүнүгэр 53 оҕоҕо анаммыт оскуола-саад уонна Мэҥэ Хаҥалас Хаптаҕайыгыар 35 миэстэлээх уопсай уонна оскуола иннинээҕи үөрэхтээһин эбийиэгэ арыллыахтара.
Маны сэргэ Нам Бүтэй-Үрдэ сэлиэнньэтигэр сыл бүтүүтэ 50 оҕоҕо анаммыт уһуйаан үлэҕэ киирэрэ күүтүллэр. Бу маннык өссө биир уһуйаан Өлүөхүмэ Үҥкүрүгэр арыллыаҕа. 35-тии миэстэлээх уһуйааннар Ньурба Маарыгар уонна Томпо Новай сэлиэнньэлэригэр тутуллаллар. Итиэннэ Сунтаарга, Ньурбаҕа, Уус Маайаҕа уонна Дьокуускайга уһуйааннар арыллыахтара.
Онон, бу сылга барыта тоҕус оскуола уонна уо уһуйаан үлэҕэ киириэхтэрэ.