Куонкурус “Мин — учууталбын” тургутуутун түмүктэринэн 16 финалист аата билиннэ. Кинилэр иккис түһүмэххэ аастылар.
Биллэрин курдук, бу бастакы түһүмэххэ “Методическай портфолио” кэтэхтэн туур (“Интэриниэт-ресурс”, “Мин — учууталбын” эссе) уонна “Профи-учуутал” бастакы очнай туур (“Методическэй семинар”, “Уруок”) сыанабыллара киирэллэр.
Иккис туурга тахсааччылары быһаарыыга куонкурустаһааччылар Куораттааҕы классическай гимназияҕа, Саха-гимназияҕа уонна 17№-дээх орто оскуолаҕа ыыппыт уруоктара улахан оруолланнылар.
Васильева Олимпиада Дмитриевна, Бүлүү улууһун И.Н.Ханды аатынан Тылгыны орто оскуолатын нуучча тылын, литературатын учуутала;
Винокуров Гаврил Антонович, Орто Халыма улууһун Өлөөкө-Күөл агрофермерскэй хайысхалаах оскуолатын английскай тылын учуутала;
Гаврильева Алина Алексеевна, Нам улууһунааҕы Н.С.Охлопков аатынан гимназия химияҕа учуутала;
Егорова Виктория Викторовна, Үөһээ Халыма улууһун Арыылаах орто оскуолатын математикаҕа учуутала;
Макаров Василий Васильевич, И.М.Павлов аатынан Чурапчытааҕы орто оскуола историяҕа уонна обществознаниеҕа учуутала, Чурапчы улууһа;
Мохначевский АйалТрифонович, Үөһээ Бүлүүтээҕи М.А.Алексеев аатынан өрөспүүбүлүкэтээҕи лицей-интэринээт историяҕа уонна обществознаниеҕа учуутала;
Никитина Ираника Николаевна, Мэҥэ-Хаҥалас улууһун А.С.Шахурдин аатынан Төҥүлү орто оскуолатын алын сүһүөх кылаастарын учуутала;
Оконешникова Мария Дмитриевна, Таатта улууһун П.А.Ойуунускай аатынан Чөркөөх орто оскуолатын историяҕа уонна обществознаниеҕа учуутала;
Петров Дьулус Пантелеймонович, Сунтаар улууһун В.И.Иванов аатынан Кэмпэндээйи орто оскуолатын информатикаҕа учуутала;
Платонова Анна Алексеевна, Куораттааҕы классическай гимназия нуучча тылын уонна литературатын учуутала. Дьокуускай к.;
Попов Олег Петрович, Өлүөхүмэ улууһун П.П.Габышев аатынан Уолбут сүрүн уопсай үөрэхтээһинин оскуолатын биологияҕа, химияҕа учуутала;
Смирникова Ирина Егоровна, Уус Алдан улууһун В.В.Алексеев аатынан Мүрүтээҕи уолаттар гимназияларын нуучча тылын уонна литературатын учуутала;
Соловьева Светлана Анастасовна, академик Л.В.Киренскэй аатынан Амматааҕы лицей алын сүһүөх кылаастарын учуутала, Амма улууһа;
Цаунэ Александра Ивановна, Ленскэй к. 2 N-дээх орто оскуолатын физикаҕа учуутала. Ленскэй оройуона;
Чуносова Валентина Михайловна, Д.Г.Новопашин аатынан 10N-дээх орто оскуола алын сүһүөх кылаастарын учуутала. Дьокуускай к.
Юсупова Яна Васильевна, Нерюнгритээҕи Е.А.Варшавскай аатынан 24 N-дээх Информационнай-технологическай лицей английскай тылын учуутала. Нерюнгри оройуона.
Куонкурус үһүс күнүгэр “Маастар-учуутал” быһаарыылаах иккис туур ыытыллыаҕа. Бу түһүмэх түмүктэринэн куонкурус 5 лауреата быһаарыллыаҕа, кинилэр абсолютнай кыайыылаах уонна “Саха Өрөспүүбүлүкэтин Сыл бастыҥ учуутала-2018” ааты ылар иһин күрэстэһиэхтэрэ.