Сыл бүтүүтэ Үөһээ Бүлүүгэ канализационнай-ыраастыыр ыстаансыйа үлэҕэ киириэҕэ

Ааптар: 
Бөлөххө киир:

Быйыл сыл бүтүүтэ Үөһээ Бүлүүгэ  канализационнай-ыраастыыр ыстаансыйа үлэҕэ киириэҕэ.

Ил Дархан Айсен Николаев бэҕэһээ Үөһээ Бүлүүгэ сылдьар кэмигэр канализационнай-ыраастыыр ыстаансыйаны тутуу хайдах-туох барарын билистэ. «Билигин Үөһээ Бүлүүгэ  улуус дьаһалтатын уонна «Водоканал»  тэрилтэни кытта концессионнай бииргэ үлэлээһин чэрчитинэн уоннна ОДьКХ пуондата көмөлөһөн канализационнай-ыраастыыр ыстаансыйаны тутуу былаан быһыытынан барар, сыл бүтүүтэ үлэҕэ киириэҕэ. Манна өрөспүүбүлүкэ эрэ бүддьүөтэ буолбакка, муниципалитет уонна федеральнай хааһыналарыттан эмиэ үп түмүллэр. Бу бэрт холобур. Саамай сүрүнэ, дьон астынар, үөрэр. Тыа сиригэр дьон олорор усулуобуйата тупсар буоллаҕа», — диэн Айсен Николаев эттэ. 

Ол курдук, федеральнай киинтэн (ОДьКХ пуондатыттан) 143  мөл. солк., өрөспүүбүлүкэ бүддьүөтүттэн 95,6 мөл. солк., Үөһээ Бүлүү бүддьүөтүттэн 45,4 мөл. солк. уонна «Водоканал»  АУо-тан  50,2 мөл. солк. тыырыллыбыт. Бырайыак сыаната 238,9  мөл. солк.  Уу ситимэ Үөһээ Бүлүү сэлиэнньэтигэр уонна Үөдүгэйгэ тардыллыаҕа. Барыта 8686 киһи уу ситимин туһаныаҕа.  Канализационнай-ыраастыыр ыстаансыйаны сэргэ,  «Олорор дьиэ уонна куорат эйгэтэ» диэн национальнай бырайыак чэрчитинэн, сылы эргиччи ыраас уунан хааччыйыахтаах уу ситимэ оҥоһуллар.

+1
0
+1
0
+1
0
+1
0
+1
0
+1
0
+1
0