Сыл бүтүүтүгэр, Хаҥалас улууһун Тиит Эбэ сэлиэнньэтигэр, түөрт кыбартыыралаах дьиэни тутан бүтэрэр былааннаахтар.
Дьиэ «2020-2025 сылларга тыа сирин биир кэлим сайыннарыы» судаарыстыбаннай бырагыраама чэрчитинэн тутулла турар. Тутуу дуогабара «КСК Лидер» ХЭУо кытары түһэрсиллибит, үлэ балаҕан ыйыттан саҕаламмыт. Бүгүҥҥү күҥҥэ манна 16 киһи үлэлии сылдьар диэн Хаҥалас улууһун дьаһалтытан пресс-киинэ иһитиннэрэр. Биир мэндиэмэннээх толору хааччыллыылаах дьиэ уопсай иэнэ 216 кв.м. Оттон хас биирдии кыбартыыра — 54 кв.м. тэҥ.
Улуус баһылыга Олег Иринеев билигин дьиэ ис өттүгэр үлэ бара турарын, турбаларын тардалларын, радиатордары туруоралларын, күрүө тимир тирээбиллэрин оҥороллорун иһитиннэрбит.
«Бу дьиэҕэ эдэр исписэлиистэр киириэхтээхтэр. Тиит Эбэ уонна Хоточчу түргэнник сайдан эрэр сэлиэнньэлэринэн буолаллар. Манна үс оскуола, оҕо саада, «Самартай» тыа хаһаайыстыбатын кэпэрэтиибэ, амбулатория, о.д.а. элбэх. Эдэр исписэлиистэр үлэлии кэлэллэр«, — диэбит. Саҥа дьиэни ситэрэн-хоторон, күлүүһүн хаһаайыттарга ахсынньыга туттарар былаан баарын эппит.
+1
+1
+1
+1
+1
+1
+1