Саарбах да үлэһиттэр бааллар эбит.
Дьокуускай полициятыгар куорат биир эрэстэрээнин хаһаайына сайабылыанньа суруйбут. Каассаттан харчы уоруллубутун туһунан. Ол сүтүк тахсыбыта инвентаризация кэмигэр биллибит.
Суһал-ирдиир тэрээһиннэр кэмнэригэр оперативниктар уорбаланааччыны туппуттар — киин куорат 23 саастаах олохтооҕо эбит.
Барыллаан быһаарыынан, бу уол сыл аҥаарын устатыгар уопсай каассаттан кыралаан харчы ыла сылдьыбыт. Уонна балачча суума буолбутун кэнниттэн эрэстэрээнтэн уурайан барбыт.
Бу чахчынан «уоруу» ыстатыйанан холуобунай дьыала тэриллибитин СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1