СӨ Бырабыыталыстыбатын иһинэн үлэлиир ГАТС (ЗАГС) управлениета 2020 сыл бастакы аҥаарыгар төһө регистрация (бэлиэтээһин) оҥоһуллубутун иһитиннэрэр.
Коронавирус дьаҥыттан өрөспүүбүлүкэҕэ хааччахтааһын миэрэлэрэ ылыллыбыт кэмнэригэр, ГАТС бары санитарнай ирдэбиллэри тутуһан туран үлэтэ салҕаммыта. Өҥөлөрү оҥоруу, киһи өлбүтүн туһунан бэлиэтээһини оҥорууттан ураты, судаарыстыба уонна муниципалитет порталларынан ыытыллыбыттара. ГАТС сорох салааларыгар ааты уларытыылары уонна көннөрүүлэри киллэриилэр тохтотуллубуттара.
2020 сыл от ыйын 1 күнүнээҕи туругунан, уопсайа 14714 бэлиэтээһин оҥоһуллубут. Мантан 5869 — оҕо төрөһүнүгэр, 3704 — киһи өлбүтүгэр, 1952 — ыал буолууга, 1299 — арахсыыга, 1469 — оҕоҕо аҕатын сурутууга, 64 — оҕону иитэ ылыыга, 357 — ааты уларытыыга.
+1
+1
+1
+1
+1
+1
+1