СӨ нэһилиэнньэ олоҕо-дьаһаҕа куттала суох буолуутун судаарыстыбаннай кэмитиэтин бэрэссэдээтэлэ Дмитрий Лепчиков бүгүн, атырдьах ыйын 7 күнүгэр, сарсыарда 09:56 чааска иһитиннэбитинэн, Ил Дархан сорудаҕынан Өлөөкө-Күөлтэн Сыбаатайга ойуур баһаарын умулларарга көмөлөһө диэн МЧС аэромобильнай бөлөҕүн илдьэ бөртөлүөт көппүт.
«Бэҕэһээ 23:00 чаастан түүн 02:30 чааска диэри ардах түспүтэ. Ардыгар күүскэ түһэн ылбыта. Ол эрээри сир кураанах, онон сиик биллибэт. Ардах баһаар намтыырыгар туһалаата. Бүгүн барыта буруо. Олохтоохтор сарсыардаттан баһаары умулларыыга туруммуттара«, — диэн төлөпүөнүнэн Сыбаатай баһылыгын солбуйааччы Дария Борисова иһитиннэрдэ.
Ил Дархан уонна бырабыыталыстыба пресс-сулууспата.
+1
+1
+1
+1
+1
+1
+1